佐柳島點樣去
佐柳島係四國除愛媛青島外另一個著名貓島，這個島的面積不大，約只有1.8平方公里，比長洲稍為小，人口只有80人，位於瀨戶內海中央。由
三洋客船營運的渡輪是連接佐柳島的僅有交通工具，每日四班來回多度津及佐柳島上本浦/長崎兩個碼頭，上下午均有船期。要到佐柳島只要乘JR到多度津站，再步行20-30分鐘到碼頭。
不過，若想由香港到高松機場再直接到佐柳島，最快落機都要近下午3時，未必趕得切多度津尾班船，可考慮先到高松、丸龜或琴平住一晚，翌日朝早登島。另外，逢星期六佐柳本蒲有船往返岡山另一貓島真鍋島，若時間配搭得當，或許可由岡山的笠岡到真鍋島，再到
佐柳島，一次過去晒兩個貓島。
佐柳島人口雖然不多，但貓咪卻達40隻以上，日本攝影師曾捕捉到島上貓貓在防波堤跳躍的動感圖片，就如「飛貓」一樣，是這貓島獨特之處。佐柳島風景美麗，本身也是一個非常值得一到的攝影好地方。
登島必需注意
😺自己垃圾自己帶走，呢d旅遊基本野。
😺千萬不要搔擾民居，亦唔好入人地d花園亂咁影。
😺唔好大聲講野，破壞小島安寧。
😺餵貓要逐d逐d餵，不要過量，亦唔好係路中心餵食。
 |
| 船期資料 |
 |
| 見到這塊牌就對了，會先經高見島再到佐柳島。 |
 |
| 客輪碼頭唔係好大 |
 |
| 碼頭雖小，但客船卻很大，可載人運貨運車。 |
 |
| 買飛的地方，開船前10分鐘先賣飛。 |
大概1點半，我地已經早d黎碼頭，等待2點班船，售票地點係碼頭一間屋仔度，會係開船前10分鐘賣票，到左柳本浦的船票680日幣一程。雖然係星期六，但係遊人真係冇乜，計埋我地都只不過係6-7個人，同埋一車貨物上船，有d出乎意料。係呢個時候，一大舊黑雲係海面漂過黎，仲有d好細幾雨粉，係個種未落到地就消失左既雨粉。入貓島最忌就係落雨，先唔講有冇得避雨，一落雨貓貓都會匿埋，咁就會冇晒意思。不過都黎到碼頭，冇理由而家先改行程，唯有博一博，希望落唔出雨啦
講返行程，我地準時2點登船，船分兩層，兩層都有客倉，客倉有普通座椅，亦可和式坐地。下層同時可供車輛駛進，上層有小平台，可觀覽海景。開船後會先到高見島，之後再到佐柳本浦及佐柳長崎，本浦位於佐柳島南邊，長崎則位於東北邊，多數人都會係本浦落，本浦較近村莊，亦有較多貓貓。我地今次既旅程，亦主要係本浦附近。
 |
| 680日幣一程，其實算係非常便宜 |
 |
| 開船離開碼頭~ |
 |
| 係船尾欣賞海景一流 |
 |
| 汽船全景圖 |
 |
| 野豬出沒注意，香港都有唔少 |
 |
| 客倉內部，非常簡潔舒適 |
 |
| 高見島近觀 |
 |
| 準備落船/貨中...... |
 |
| 佐柳島有兩個碼頭，我地去本浦 |
樂於陪人玩的貓貓
真係好彩，黎到佐柳島一滴雨都冇。一落船不遠，就係碼頭的一個小休息室，傍邊已經有幾隻貓貓急不及待過來，熱情可愛，完全唔怕人，不同青島那邊的貓no food no talk，佐柳島的貓貓不太功利，就算你沒有食物，也樂於同你玩，佢地亦好斯文，絕不爭食，你向貓貓招收，他就過來，非常有趣。
玩左陣，我地就開始同d貓貓影"飛貓"相，碼頭附近正好有堤圍，我地走過去，d貓貓就跟住黎，然後自動埋位，有兩隻已經急不及待上左石躉跳俾你睇，基本上唔洗點引，放粒糧就自動跳過去，後來發覺其實就算唔放糧，憑手勢都會跳，似乎係為左陪你玩多過為食野，非常之好。
 |
| 登島守則~ |
 |
| 貓貓等緊你~ |
 |
| 豎晒尾，好開心咁~ |
 |
| 碼頭全景 |
 |
| 仲有靚沙灘，真係一流！ |
 |
| 貓貓列隊中~ |
 |
| 一家三口 |
點影佐柳島飛貓?
多得智能手機連環快怕，只要睇準時間長按快門鍵，就會一次同你影幾十格，之後再慢慢揀，最新d手機仲有超慢動作功能，影飛貓一流，透過超慢動作，我發覺貓呢種動物真係好勁，原來佢地每次起跳落地都差唔多"攞到盡"，前腳落地個下係貼住邊邊位，然後後腳一到前腳才離開，養左貓咁多年先知主人係跳得咁精準。真係多謝科技既進步，以我既攝影能力，我諗早幾年影成日都未必影到呢d咁有趣既鏡頭。
之後我地繼續向碼頭左邊行，會去到貓之廣場，呢度都有好多貓貓，而且堤圍更高，正當老婆猶豫d貓跳唔跳到咁高，係佢身後隻貓即刻就跳俾佢睇，呢度d貓真係唔睇得小。貓之廣場後方應該有路可以上山，不過我地冇去，因為我地要去島上另一個地方 - 由學校改裝而成既旅店+咖啡室。
 |
| 隻隻都好敏捷~ |
 |
| 第一隻試跳~ |
 |
| 反應真係好快~ |
 |
| 呢隻就係佐柳島既招牌飛貓 |
 |
| 非常好身手！ |
 |
| 正面慢動作~ |
 |
| 果然係招牌貓貓~ |
 |
| 慢動作可以睇到貓起跳時用尾巴做平衡 |
 |
| 後面白貓表示路過 |
 |
| 兩隻一齊跳 |
 |
| 呢下睇到落地貓貓係好精準 |
 |
| 同我一齊散策~ |
 |
| 鳥居下的貓貓~ |
 |
| 河堤上小休一會 |
 |
| 休息室外的貓貓定時有村民餵 |
木製的保育旅舍
話說呢間咁有
特色既旅店，係上年先開，我係黎之前
去多度津個facebook見到
條片先知，旅店本來係一間荒廢左既木製校舍，一對黎自大阪既夫婦，親力親為將佢改建成旅店，並且盡力保留學校原有特色，好老實，若從生意角度，我覺得真係唔易做，畢竟呢度唔係旅遊熱點，
但從保育覺度黎睇，活化舊校舍可令人口老化既社區新添動力，佢地所做既野就好有意義，所以我地無論如何都要去一去呢間小店，支持一下。
旅店位於本浦同長崎之間，我地沿開邊慢慢行過去，一路同d貓貓散步，一路欣賞賴戶內海超靚風光。行左大概15分鐘，終於到達旅店，同
youtube上一模一樣，非常整潔，一入門口就係咖啡室，係由學校前身既教員室改建而成，近窗邊係實驗室，可以睇到無敵大海境。
旅館背後，就係學校走廊，通向其他改建成臥室的教室。旅店有三間房可供預約，最大一間由圖書室可供8人留宿，其預兩間可供最多3-4人留宿，這間旅店住宿要共用廁所及淋浴區，但大家可放心，廁所都很整潔，亦有自動清洗功能的廁板，非常貼心，最重要係留宿費用相當實惠，每人也只是3000-5000日幣，擁有無敵大海景既旅館，可以欣賞日落星空，仲有貓貓陪你玩，咁正邊到搵呀!
飲食方面，精製咖啡,雪糕都只係400yen，熱食晚餐都只係800-1000日幣，一個山長水遠既小島竟然做到咁平，圍唔圍到皮架......雖然中午餐魚生盛宴都未落格，但我地都叫左兩杯野飲，同埋幫襯買左d地道燒肉醬，支持社區小店。
