與天氣競賽
第二天行程緊密，要用一天時間去晒香川主要名勝，上午到琴平金刀比羅宮，下午要到佐柳島，晚上去丸龜。天氣預報上午開始有雨，下午及晚上會變成大雨，所以亦準備了plan B行程，萬一真係好大雨，就會取消下午行程，改為到丸龜的博物館逛逛，甚至早一點回高松逛步行街。為左避開雨天，早上亦特別提早行程，準時6時半就吃自助早餐，然後就到高松站乘JR，直達琴平。幸好天公造美，早上不但沒有下雨，竟然還有點陽光。
第二天行程緊密，要用一天時間去晒香川主要名勝，上午到琴平金刀比羅宮，下午要到佐柳島，晚上去丸龜。天氣預報上午開始有雨，下午及晚上會變成大雨，所以亦準備了plan B行程，萬一真係好大雨，就會取消下午行程，改為到丸龜的博物館逛逛，甚至早一點回高松逛步行街。為左避開雨天，早上亦特別提早行程，準時6時半就吃自助早餐，然後就到高松站乘JR，直達琴平。幸好天公造美，早上不但沒有下雨，竟然還有點陽光。
琴平櫻花
大概9時，我地就到達琴平JR站，步行大概10分鐘就到達金都比羅宮的入口，期間經過琴平電鐵站，隔黎就係國家重要文化財產「高燈籠」，聽講話以前未有電，就係靠呢舊野當燈塔引航，高燈籠下面其實係一個小花園，正好有幾棵櫻花滿開中，非常漂亮。
 |
| 琴平JR站黑白LOGO既7仔，好似話係政府有規定先咁樣 |
 |
| 行兩步就見到高燈籠，幾特別。 |
 |
| 當然唔少得櫻花景啦 |
 |
| 見到寫住入口，應該係呢度附近 |
 |
| 9點鐘好多店舖都未開 |
由於時間尚早，很多店鋪都未開門，遊人亦不算多，沿路都行得好輕鬆。據說，金刀比羅宮係日本人一生人點都要黎一次既神社，每年遊客都很多，而且要行好多梯級，由入口到御本宮要行785級，上最高既奧社更加要行1368級，所以亦被稱為最難到達既神社。
但今次我地黎遊覽卻唔覺好難行，由入口行到上御本宮，邊走邊影，都只係半小時多些。金刀比羅宮有個傳說話有d狗會代主人參拜，所以周時會見到有些日本人會帶埋狗狗一起黎，有d醒目狗會去到咁上下就向主人撒嬌唔行，咁主人就要侷住抱住佢行晒全程，結果變左傳說與現實剛剛相反 XD。
御本宮就是遊客主要參拜的地方，附近亦有展望台，可一覽琴平面貌，遊客亦可買返個平方安符之類既野，有平有貴，最貴個隻都只係1000多日幣。由於最高的奧社封了，所以沒有上去(不過我估上埋去最多都只會用多半小時)，係展望台逗留左一陣，就慢慢行返落琴平逛下，回程時店舖已開，遊客亦開始多，就順便買些手信。
但今次我地黎遊覽卻唔覺好難行，由入口行到上御本宮，邊走邊影，都只係半小時多些。金刀比羅宮有個傳說話有d狗會代主人參拜，所以周時會見到有些日本人會帶埋狗狗一起黎，有d醒目狗會去到咁上下就向主人撒嬌唔行，咁主人就要侷住抱住佢行晒全程，結果變左傳說與現實剛剛相反 XD。
御本宮就是遊客主要參拜的地方，附近亦有展望台，可一覽琴平面貌，遊客亦可買返個平方安符之類既野，有平有貴，最貴個隻都只係1000多日幣。由於最高的奧社封了，所以沒有上去(不過我估上埋去最多都只會用多半小時)，係展望台逗留左一陣，就慢慢行返落琴平逛下，回程時店舖已開，遊客亦開始多，就順便買些手信。
 |
| 第100級...唔知幾時行左~ |
 |
| 怕辛苦可以試下人力轎 |
 |
| 朝早好處係冇乜人 |
 |
| 一陣間就行到大門 |
 |
| 可惜今年櫻花早開，如果唔係兩邊櫻花盛況應該幾壯觀 |
 |
| 寶物館前有個花園都幾靚 |
 |
| 呢隻就係傳說中既金刀比羅犬 |
 |
| 神馬好大年紀下，人類黎講都成50歲 |
 |
| 仲有大象.... |
 |
| 回望表參道，都唔係好難行 |
 |
| 黎到御書院，大概行左一半 |
 |
| 行多陣就見到旭社，好宏偉 |
 |
| 呢段係全程最斜既梯級 |
 |
| 終於到達御本宮 |
 |
| 遙望琴平，都幾舒服。 |
 |
| 狗狗可以話係金刀比羅宮既吉祥物 |
 |
| 御本宮前有間野專門買護身符 |
 |
| 去奧社既路封左，冇辦法去到，有點可惜...... |
 |
| 落山時去到櫻馬場，見到神馬出黎放風 |
不過唔知點解，琴平的商店街有點冷清，我地誤打誤撞去到一個叫新町既地方，裡面有一間瓷器店靜靜地開著舖，門口有漢字寫住做緊五折清貨之類，本來冇打算入去睇，不過老婆好好奇，堅持要入去看，發覺裡面有各色各樣的杯杯碟碟，當中竟包括日本最出名既「有田燒」，而且有花紋，睇睇價錢，都只係500-600日幣，大概都只係40蚊港紙，呢d日制最高級既瓷器，淘寶都要閒閒地過百蚊人仔一隻，而家幾十蚊有交易真係好抵，咁我地買左3隻，到俾錢時，老闆娘拿出計數機係在我們眼前篤篤篤，佢竟然幫我地做折上折 orz，結果幾隻靚杯加埋都唔使1000 yen！返到香港後我再查查呢間叫東條陶器店既舖頭資料，唔查由自可，一查嚇一跳，原來呢間舖係明治20年創業，即係已經有120年歷史！係一間百年老字號黎！真係奇遇。
 |
| 行下行下黎左商店街 |
 |
| 驟眼看來冇乜特別既陶器店，其實歷史悠久 |
 |
| 真正Made in Japan有田燒 |
買完杯後，我地返去JR站，先大概11時許，遊覽金都比羅宮再加琴平散策，都只係兩個鐘，比想像中輕鬆，之前仲諗住起碼要3個小時，不過可能係同天氣有關，當日只係16-17度，如果30度咁既氣溫，我諗會用多好多時間。
 |
| 金刀比羅宮行程時間 |
離開琴平後，我地立即乘JR到多度津，其實兩個地方都好近，只係10分鐘JR車程。本來既行程諗住去完琴平就直接經多度津港口乘船到佐柳島，係冇打算花太多時間係呢個港口小鎮，不過由於去唔到奧社慳左d時間，再加上黎個時見到多度津附近d山頭竟然有櫻花，所以又萌生賞櫻念頭。記得做資料搜集時，多度津附近有一個叫桃陵公園既地方，呢個地方唔係熱門旅遊點，但係卻係香川縣櫻花最遲滿開既地點之一，而且高居臨下，可以睇到瀨戶內海。
當到達多度津後就膽粗粗用google map向住公園方向行。其實呢個時候我連公園入口係邊都唔知，最後見到山上的櫻花，終於在山腳的神社搵到小路進入公園，在公園內一個遊人都冇，只有一位本地人，佢見到我地非常熱心同我地傾計，教我地點樣可以去下午既景點佐柳島，指示碼頭位置給我們，讓我們省卻很多搵路時間。我地係公園逗留左一會，就按指示行去碼頭，去到碼頭才12點半，距離開船時間還有個半鐘，於是我地到碼頭附近一間食店，叫左一客壽司及魚生刺身，大大塊厚切，新鮮美味，加埋先2000多日幣，真係抵到飛起，食飽飽後侍應仲非常貼心準備咖啡，讓你慢慢傾下計咁，一d都唔會讓你感到急迫。係香港慣左速食即走既模式，黎到四國真係要重新適應。
 |
| 由琴平到多度津都只係10多分鐘車程 |
 |
| 多度津真係一個小站黎，Locker都唔多個 |
 |
| 多度津市政做得非常好，連污水都重新利用，香港真係要學下 |
 |
| 公園內唔少櫻花滿開，非常美麗 |
 |
close up都好靚
|
 |
| 公園銅像講述日俄戰爭時的故事，據說係戰前日本的教科書內容 |
 |
| 山頂可以一覽多度津既美景 |
 |
| 遠處可以看到去佐柳島既碼頭 |
 |
| 沿路滿地落櫻 |
 |
| 碼頭傍既食店，極度推介，去佐柳島前一定要黎！ |
 |
| 價錢實惠，新鮮美味，服務一流！ |