直航高松緊係要鳥瞰四國
今次四國環島之旅首站係高松，我地早上乘直航機到位於向川縣的高松空港，全程約4小時，飛機降落前，可以鳥瞰四國瀨戶內海沿岸，天氣良好的話甚至可以看到廣島，搭飛機前記得揀左邊窗口位。
四國的最東邊，右下方八幡濱有船來往九州別府
愛媛今治、大三島，單車跨海大橋
最下面個島就係愛媛青島(貓島)
高松空港係一個很細的機場，停機坪及機場大樓真係一眼望晒，唔使擔心走失，不用半小時已經完成出關，過關後近機場大門會有到各地巴士車票售票機，到高松瓦町要710日幣，買好飛後順便拿返本免費"香川優惠PASS"，就可以到門口排隊登車。感覺上巴士班次都幾密，唔使點等，大概半小時許車程就到達高松。去到瓦町後，第一時間就係到酒店放低行李，我地入住既大和酒店離車站只係5-10分鐘路程，非常方便。
去到酒店check in 晒先430 pm，有足夠時間去首個景點栗林公園。我地由瓦町坐電鐵到栗林公園站，再行10分鐘就到。黎栗林公園只有一個目的，就係賞櫻，但其實今年櫻花早開，3月尾時栗林公園d櫻花早已滿開，我地4月13日先到，本來已打定輸數乜都冇，點知出發前兩天，栗林公園facebook竟說還有個別品種滿開，所以立即更改行程，調到一落機就黎。
栗林公園賞櫻
果然皇天不負有心人，一入正門就有好幾棵滿開既櫻花，而且入場時已5時許，基本都冇乜人，可以包場任影零遮擋，雖然公園內不少櫻花已長出綠葉，但過左滿開半個月還看到咁唔錯既花況，已很心滿意足。我地影櫻花都影左超過半個鐘，之後再到公園其他地方閒逛。雖然有說法指栗林公園比日本三大名園更美，不過平心而論，我之前也到過三大名園之一的後樂園，覺得栗林公園係景色開揚上始終稍稍不及，但這裡小橋流水石景禽鳥，該有的都有，也絕對稱得上係一步一景，再加上今次有櫻花加持，真係值回票價有突。
栗林公園站，幾特別
一入門口就有松樹恭迎
今次旅程第一棵櫻花
好靚！好靚！
松樹配櫻花
滿開！滿開！
剛好有飛機飛過
紅色小橋係必拍景點
一個公園該有既靚景呢度都有齊
小橋流水係日式公園既基本野
公園內周時都有雀鳥飛過
每個公園都緊有一隻黑貓，不過呢隻唔係好理人
老婆話係烏鴉照鏡
VIDEO
去完栗林公園，我地乘電鐵到高松站，先兌換JR PASS，並將事先準備好既行程表交給職員book指定席，記緊要寫清楚班次時間出發目的地等資料。之後職員仲送我們一本優惠券及麵包超人換章小冊子，只要到指定車站蓋滿最少四個印，就可以換領JR禮物。
搞掂pass後，就順便行去附近既"紅燈塔"，呢個燈塔據說係全世界第一座玻璃外牆燈塔，沿堤岸行10分鐘就可到達，相當特別，由紅燈塔回望高松，還可看到不錯的夜景及星空。
之後我地返回高松站，去附近既"麵王"食晚餐，呢間野既拉麵享負盛名，本店其實係德島，不過我地去德島時另有行程，所以決定黎高松呢間分店食。我地叫左兩客叉燒拉麵，個人覺得非常好味，雖然湯底有點偏鹹，但勝在足料濃郁，老婆意見亦讚不絕口，要比一蘭個d好味，我地大概八時許去到，唔使等就有位。食完野順便到瓦町站附近的藥妝店補給兼買些手信，高松d商店都幾早收，八九點已經冇乜野行，於是早d返去休息準備翌日行程。
德島麵王高松分店，門口自助買飛再入去
德島拉麵賣相同口感都非常掂！
首天行程
