【DAY0】氣象預報篇

氣象預報的重要性

四國地區每年春季都無可避免受多雨天氣影響，低氣壓/鋒面通常會由東向西、北向南咁掃過，台風則由西南向東北方向咁黎，不幸俾佢地掃一掃，係可以落足幾日雨。天氣往往對行程起關鍵作用，一些景點只要是下雨就沒有意思(例如貓島)，若需要乘船，亦要注意海況，風高浪急就有可能欠航，又例如要觀看日出日落星空，就必須要無雲。在設計行程時，通常都會制定PLAN B應急，假若天氣狀況不理想也有其他景點補上。不過現在氣象預報已經頗為先進，最早可以十天前就有一些粗略預報，原理上，可讓自由行旅客在最後一刻更改行程。

十天天氣預報

可以透過網站https://www.windy.com，查看十天的氣溫、降雨、風速及浪高等預報，預報有兩個model可揀，包括歐洲中期預報 (ECMWF)，以及全球預報系統(GFS)，可粗略預計行程時的狀況。
Windy提供達10天的預測

日本氣象廳七天天氣預報

日本氣象廳(JMA)會提供各縣府的週間的天氣預報，A級信賴度代表JMA對預報很有信心，C則是變數較多。JMA 的預報會同時提供降水機會率，利用這個預報再配合windy，便可預估計到較詳細的天氣概況。

JMA對每天預測也會標有信賴度，非常貼身。
日本氣象廳三天天氣預報

要埋門改行程，一定要睇實呢個 JMA 三天預報，這個三天預報會非常詳盡，而且頭兩天的預報精確度去到以6小時計，至於未來24小時的預報則會精確到每小時計，撞正落雨同唔落雨之間既天氣，呢個預報會好有用。

雨區雷達

有時撞正大陰天想落雨天氣，最直接係睇雨區雷達，見到一大忽藍色雨區飄埋黎，就好搵定地方避雨喇

預測準唔準？

大抵上唔會差好遠，感覺上JMA預測晴天及大雨(10mm+)係幾準確下，最麻煩係d時晴時雨既天氣，今次四國環島之旅第二至五日就撞正呢類天氣，去貓島同埋42km單車之旅時，都係要mon住個雨區雷達黎決定行程。