【DAY5 夜間& DAY6 】天神 x 稚加榮福岡篇

乘新幹線一定要check清楚到站時間

完成岡山旅程後，我地準備乘新幹線返回福岡，本來打算乘坐3時29分既希望號，那麼就可以5時10分返回博多。當到達月台後，已有一輛往博多的列車在等候，沒多想便上車，臨開車前才發現上左呢部係站站停既回聲號列車，諗住新幹線速度快，站站停也差不了多少，也就沒有換車。開行後先發覺唔對路，原來新幹線的站點比想像中密，而且每次停站時間也不短，於是急急查看google這班車的到站時間，但怎麼也找不到，最後只好到官方網站查時刻表，才知道到達博多時已6時39分，比希望號足足遲了超過1小時！只好在福山急忙下車，然後再轉乘最近的櫻花號列車(幸好有JR PASS)，最後還是比原定時間遲了半小時才到達博多。

在福山匆忙下車

夜遊天神

我們選擇在福岡逗留一晚，主要原因是福岡機場鄰近市中心，是少有可以單靠地鐵直達的機場，而且福岡商店街林立，在這裡可以購買到九州的各類手信，不用再到其他城市帶著手信長途跋涉。若論距離，博多最近機場只需要10分鐘地鐵車程，天神則再多兩個站，但同樣有巴士直達機場。本來我們打算入住博多的REI酒店，不過價錢挺貴，而且博多離我們要到的稚加榮頗遠，所以最後都係選擇了天神附近的Ascent酒店。這間酒店有三個優點，第一，極近天神商店街，第二，超平，第三，房間較大，正好讓我們整理戰利品。不過呢間野都頗為殘舊，係我在日本住過既最殘酒店，而且沒有無煙房，房間有陣陣煙味，據說夏天時空調還比較差，不過我們冬天來就沒所謂了，始終一分錢一分貨。

到達酒店卸下行李，就到附近的Parco商場逛了，這個樓高8層的商場在地鐵站上方，其中7樓及8樓有不少動漫精品商店，包括snoopy town shop、kiddy land ，也在這層。我們在snoopy town買了一些日本製的餐具，實在不便宜，不過看在made in Japan 的份上也就沒所謂了，畢竟這幾年在snoopy town越來越多made in China 貨品，幾年前到日本看到一把日製雨傘沒有買，這幾年再來已看不到日製傘了。

行完商場到附近找東西吃，老婆睇中左一間迴轉壽司，不過我就有點猶疑，始終香港迴轉壽司真係麻麻，日本唔知點，不過老婆話今次旅程食得少壽司，也就姑且一試吧。我地叫左兩set壽司，都係2000多yen，有成10幾20舊，件件都係精美超好食，真係一改我對迴轉壽司既印象！不過食之前又係唔記得影相~晚膳過後再行下附近既免稅店，之後就回酒店執拾戰利品，準備最後一天既旅程。

Ascent酒店外觀

天神的snoopy town shop

snoopy town的戰利品~

日本製品質始終有保證，買給外甥的~

福岡的回轉壽司跟香港的大不同啊！

大排長龍的稚加榮

最後一天的旅程，可以最遲起身的一日，大概10點多才起床，然後check out及在酒店寄存行李，之後就步行15分鐘到今天午膳的目標稚加榮，這是一間在福岡十分出名的食店，以大眾價錢就可以享用到華麗既定食，再加上周到招呼，性價比極高，即使是本地人也常常幫襯，店舖在早上11時30開始營業，每天限定午餐數量，遲來了就的話就真係幫唔到你。我地大概11時15分到來，門外早已排滿了人龍，15分鐘後食客魚貫入場。入到去後店員會編排坐位，店內中間是一個大魚缸，座位都圍繞著中間的魚鮮，在傍亦有榻榻米四人座，店員都是穿著傳統和服，點餐時井然有序。

午餐其實只有兩款，第一款是和風定食，第二款是蕎麥麵特制定食，目測90%以上都是叫和風定食，就可知呢到d魚鮮極具人氣！點餐的同時，後面的櫥房亦正忙碌地準備，不一會，和服侍應已經送上一盤盤定食。太太叫了和風定食，我就叫了蕎麥麵特制定食，是少數派啊~

先講和風定食，最正既係刺身，超大塊吞拿魚及超厚切既魚生，非常新鮮，很有口感，值得推荐！其他的配菜亦十分可口，大大份，包你食到飽。至於蕎麥麵，亦做得亦十分精緻，都係包你食到飽飽，特別一提其明太子醬亦好正！每份定食都只係1500yen(連稅)，咁抵食去邊到搵。在場可見客人是一直在門外等後，直到我們離開，門外條人龍依然係到，真係遲d黎都有排等。

一朝早就大排長龍~

店內非常特別，中間有個大水缸可以看到魚鮮

只有兩款午膳可選，即叫即做。

這個是和定食~魚山超好味！

呢個係另一款特制蕎麥麵定食

雞肉飯不過不失啦。

甜品？？但係鹹既，幾特別

天神買手信

食飽後我地原路行返天神地下街，沿途有唔少免稅商店，有d食品真係做得好抵，平時10幾蚊既日式薯片/朱古力，都只係買68yen，平到有d離譜喎......不過每人亦只限買兩件，如果唔係真係一陣就俾遊客掃晒。另外，我地亦順路參觀天神地下街，這裡的東西比想像中便宜，亦有100yen店，花些時間可以買到一些有趣的東西。行左大概兩個多小時，我地最後買左一包上島咖啡，同埋再加買左d手信。之後就返酒店拿行李，然後搭地鐵返機場。其實福岡機場亦有不少買手信的地方，我地亦把握機會花埋滿袋100yen硬幣，最有趣係機場候機室設有扭蛋機，唔知d 100yen點用既話，不妨扭返d玩具送俾朋友。