由廣島到愛媛要點去？
踏入旅行的第三日，廣島的旅遊基本已經完成，我們開始出發到愛媛。由廣島到愛媛有三種方法，陸路可以先到尾道，再轉乘巴士穿過各島嶼到達今治，然後乘JR到松山，這條路線比較轉折，不太適合帶著大量行李的旅行。第二個方法是直接坐新幹線到岡山，然後再轉特急JR 經瀨戶內海大橋直達松山，需時大概3個多小時，轉車較少，是比較方便的途徑。第三種方法就是由廣島市區搭電車到廣島港，再乘高速噴射船到松山觀光港，然後乘巴士或伊予鐵路郊外電車到松山市區。從水路到愛媛雖然比乘新幹線轉折，但勝在需時較少，大概2個小時就能到達松山。
最後我們選擇了從水路進入愛媛，原因除了較省時間外，乘噴射船會途徑吳軍港，可以近距離一睹海上自衛隊最新的戰艦。由松山觀光港到松山市區亦會途經梅津寺這個著名東愛景點，可以順道參觀。另外，廣島港內可以免費獲得松山市funpass及觀光優惠券，減省了不少旅費。
巧遇加賀號直升機航母
我們6時許從酒店出發，步行到最近的電車站，乘1號線直達廣島港。電車站一落車就是廣島港入口，左邊便是賣船票的地方，拿出JR pass 及護照，跟售票員說super jet，就可直接換領船票，假如你沒有瀨戶內海的JR pass，憑護照也有優惠。在櫃台旁，記緊索取松山funpass及觀光優惠券。
換了船票後，在碼頭吃過便當早餐，然後就到7號碼頭上船，船上只有一個簡單的小賣部，所要食野就最好係碼頭搞掂埋，可能係7點半第一班船，幾乎沒有遊客，乘客主要都係日本人，似乎係搭船上班(下班?)，隻船亦唔係太滿座，我地早到半個鐘，不用擔心沒位。
大概半個小時，噴射船會先抵達日本四大軍港之一吳港，這裡係日本海上自衛隊第四護衛隊群的基地，多艘日本最先進的戰艦及潛艇均以此地為母港，在噴射船舶岸前，會先經過軍港碼頭，此時可以拍攝到港內的戰艦。這次非常幸運，今年3月才服役，日本最大型的加賀號直升機航母剛好在港內，可以近距離一睹其真身，算是額外收穫。
 |
| 我地搭既super jet，雖然名叫「宮島」，但其實係去愛媛。 |
 |
| 朝早既瀨戶內海格外寧靜 |
 |
| 快要到吳港，離遠已經見到一批艦隻 |
 |
| Zoom近些，原來係大隅級運輸艦，勁野黎！ |
 |
| 呢隻就唔講得笑喇，係自衛隊最新既加賀號出雲級直升機航母，同級另一隻去左演習打北韓。 |
 |
| 同場加映，久米島號掃雷艦 |
 |
| 右邊岸上個隻潛艇，其實係一座博物館黎 |
松山觀光港的交通
經過一小時的航程，終於抵達松山觀光港，才早上8時半許，一到步就可以看到醒目的招牌售賣市內伊予鐵路電車+巴士pass，一張2days pass要2000 yen，這張pass也可以搭伊予鐵路郊外電車，不過之前計過數，未來3天靠市內電車+瀨戶內JR已經足夠，只需另買一張800 yen的市內電車2days pass 就可以了。如果你是使四國JRpass，這800yen也可以省回，伊予鐵路的電車也適用。
松山觀光港位於松山市的北端，比較隔涉，但有直通巴士到市區，不過我們要先到附近的梅津寺車站觀光，所以就不搭巴士了，改為到高濱車站乘郊外電車。本來到高濱站有100yen接駁巴士，可惜我地miss左班車，只好徒步10分鐘走過去。去到高濱站，第一時間買返張市內電車pass，然後再購票到下一站梅津寺，購票時站務員還擔心我們分不開市內電車pass不可用於郊外電車，就算言語不通也用盡方法務求令我們了解，服務態度認真可嘉。其實我地早就做好功課，知道要另外購票，我們也用僅懂的日語向他再三道謝。
 |
| 終於來到松山觀光港，天色有點灰暗 |
 |
| 步行到高濱站 |
 |
| 高濱站，比想像中古舊 |
 |
| 飛已買，下一站梅津寺 |
 |
| 電車來了～ |
梅津寺站 — 讓你穿越到日劇經典場景
當今世代講到愛情電視劇，想必只會聯想到韓劇，當30年前，愛情劇其實係日劇的天下，東京愛情故事可謂經典中既經典，呢套1991年既電視劇，引領了整個90年代日劇風潮，唔少之後既愛情劇集套路，或多或少都有東愛影子，東愛影響力之大，可謂整代70-80後既集體回憶，就算你未睇過套劇，都必定聽過佢首主題曲。套劇雖然名叫東京愛情故事，但劇集最高潮揼心部份，卻係在愛媛，男主角元治(織田裕二)同女主角莉香(鈴木保奈美)分手既地點，正係梅津寺車站。
當初想黎愛媛有多少就係受東愛影響，覺得這個地方很特別，不過已經事隔30年，想必已經有很大變化，所以來之前特意晒定一些劇照對照場景，估唔到一落車站，發覺咁多年黎呢個站都冇乜變化，下車對面月台就係女主角等車離開既地點，一眼就認到，電車車箱以及站後的海岸基本沒甚變化，唯一的變化要走到站外才發現，車站外觀作了翻新，但整體感覺、畫面以至聽到既電車聲海浪聲，完全係劇集裡的氣氛，有一種穿越時空走入當年場境既奇妙感覺。
不相信的話，可以睇返呢段經典一幕，再對照下面既照片，保留程度之高令人驚嘆! 其實香港一樣有很多經典的劇集場景，不過卻難以保留，回想皇后碼頭的下場......唉
