要用盡每一天，買機票係十分緊要既事，搭乘早機可避免浪費一天行程。由香港到福岡坐730飛機,日本時間1210已經能抵步，再加埋約半個小時過關手續，下午1時前已經可以由福岡國際機場出發。
 |
| 早機去，早D玩，有得有失 |
由機場到博多換PASS
要搭新幹線去廣島，首先要坐地鐵去博多，出去國際線機場後，直接跳上免費穿梭巴士轉乘到國內線機場，車程約10分鐘，落車後向右行就可以到機場地下鐵站，坐兩個站就已經到博多，福岡機場的優點是極近市區，能節省額外時間及車資，非常方便。其實在國際線機場的出口也有巴士直達博多，不過為免出現塞車等異常情況，我都係選擇左地鐵。
到達博多站後第一件事要做的係兌換JR PASS，可以到近筑紫出口的JR West Office 換，核對證件及憑證後，就可換到PASS，過程唔使10分鐘。換券後直接到隔鄰的新幹線入口，閘口左邊會有PASS的專用通道,show pass 順便問埋最快去廣島既班次邊個月台，上月台候車，要注意JR PASS只可坐自由席，通常1-3號係自由席車卡，唔好上錯。我地搭大概1333既希望號，一個鐘已經到達廣島站，實在快得驚人，之前有說法話JR pass 不可搭希望號，但這張西日本JR PASS 內的條文似乎無此限制，自由席上亦無人查票。
 |
| 新幹線真的很快，沿途風景也很美 |
 |
| 之前有點擔心沒座位，現在看來是過慮，只要不撞正上下班高峰，空位多的是。 |
廣島Funpass 優惠多
來到廣島站，首先去南廣場買一張1000 yen既3 days 廣島外國遊客專用
pass，利用這張pass 就可以任搭由廣島直到宮島既市內電車及巴士，不過本身張JR pass已經包左市內觀光巴士，去宮島亦可乘JR，就算唔買呢張廣島遊客 pass
，暢遊市內景點亦不是問題。買廣島遊客pass真正原因係佢會附送一本廣島優惠Funpass書仔，拿著呢本書仔再show電車pass，去一些知名食店及景點都會有優惠，例如宮島口出名既星鰻魚飯，show Funpass 後有5折優惠，足足省了1000 yen，這優惠已經值回票價。所以極力推薦去廣島宮島玩既朋友一定要買呢個pass。
買完pass後,直接搭紅色觀光巴士到東急REI酒店，此酒店鄰近本通街，去和平紀念館亦很近，價錢合理，但缺點是離JR和電車站遠了一點。到酒店卸下行李後，步行10分鐘就到達和平紀念館，途中經過便利店順手買了份炸雞塊吃，一口咬下竟然流出暖汁，絕對係冬日美食。
 |
| 觀光巴士的空間不是太多，帶大件行李要注意啊 |
 |
| 電車Pass及優惠書仔使用時要同時show出，記得唔好帶漏 |
 |
| 觀光巴士會途經原爆圓頂屋 |
 |
| 東急的酒店都不算大，但勝在夠清潔企理。 |
和平紀念館，原爆圓頂屋等一系列原爆遺址，其實都集中在廣島市中心一個島上，我們先參觀南邊的和平紀念資料館，紀念館分東館和本館，來訪時正值本館大修，部份原爆受難者的遺物改在東館地下的臨時展館展出。
廣島和長崎是世界唯一被核子武器攻擊過的地方，當中廣島的爆心正是廣島的市中心，整個城市北至廣島城，南至廣島港幾乎全滅，爆心數千度的高溫使人和建築物都差不多瞬間蒸發，烈火、放射線、衝擊波、黑雨以及遺禍十數年的各種輻射疾病，合共導致超過16萬人死亡，慘烈程度絕非係和平時期的人可想像到。在紀念館內可以看到各樣原爆的遺物，受害者的圖片，其中一個展覽廳會播放目擊者的證詞。另外也有介紹核武的發展及廢核運動。
參觀紀念館後，再沿路到慰靈碑及附近的和平祈念館追悼遇難者，經原爆之子像及相生橋，可近距離觀看原爆圓頂屋。
 |
| 和平記念館東館的入口 |
 |
| 參觀記念館後，可到慰靈碑悼念死難者 |
 |
| 黃昏下的和平紀念館，有種莫名的悲涼感覺 |
 |
| 原爆死難者追悼館內並無展品，但其獨特的空間設計能讓人平靜地悼念 |
 |
| 相生橋 - 當年美軍瞄準的原爆投彈目標 |
 |
| 原爆圓頂屋，是爆心唯一餘下的建築物，被聯合國列為文化遺產 |
夜遊本通街
參觀過原爆遺址後，天色已漸黑，順路去到附近的本通街，其實就是每個日本大城市必有的商店街，本想按funpass 的優惠找廣島燒吃，可惜找錯店舖，用了2000日幣吃了一個蠔廣島燒，有點貴不過用料卻十足，兩個人吃也可以，之後再一路掃街，吃拉麵、鮮焗麵包，順道補給小食，還有到了
ANIMATE SHOP及JUMP SHOP，忍唔住手買左隻日本製菲利杯，算是第一份戰利品。
 |
| 牡犡廣島燒相當足料，差唔多有十隻蠔 |
 |
| 烏冬飯團套餐，抵食之極 |
 |
| 咁有趣既菲利杯，實在忍唔住手買左 |
